«Meet the Scaleups»: 16 empresas internacionais buscan entrar en Europa a través de Galicia
➡️ Onte estivemos no «Meet the Scaleups» para coñecer de preto os proxectos das 16 empresas internacionais con alto potencial de crecemento que buscan entrar no mercado europeo a través de Galicia.
A xornada, que tivo lugar no Centro de Servicios Avanzados (CSA) Cidade das TIC, enmárcase no evento XSCALE A Coruña, organizado pola Oficina de Promoción Tecnolóxico-Industrial (OPTI) da Cámara de Comercio de A Coruña.
Hoxe continúa o programa no Club Cámara Noroeste con «Invest in A Coruña Forum», concibido como espazo clave de conexión entre o talento internacional destas scaleups e as oportunidades de investimento que ofrece o territorio.
Mañá, a través de UDC Conecta, as compañías visitarán algúns dos centros tecnolóxicos e de investigación máis importantes de Galicia como o CITIC Centro de Investigacion TIC - Universidade da Coruña, o CITEEC - Research & Innovation Centre on Civil Engineering and Building; o CICA UDC Centro Interdisciplinar de Química e Bioloxía, o Center for Research in Marine and Industrial Technologies; e concluirán o roteiro no museo MEGA Mundo Estrella Galicia.