Lanzamento oficial do proxecto Allocate no CSA Cidade das TIC

Hoxe, no Centro de Servicios Avanzados (CSA) Cidade das TIC, lanzouse oficialmente o proxecto #Allocate, liderado polo Concello da Coruña e do que formamos parte como socios xunto á Universidade da Coruña, Altia e a consultora Khora Urban Thinkers.

Esta iniciativa, que conta cun total de 5,5 M€ de investimento, facilitará, entre outras cuestións, o acceso das empresas a grandes bases de datos que permitan implantar sistemas de mellora na mobilidade e na xestión de residuos mediante diferentes aplicacións.

O presidente do Clúster TIC de Galicia, Antonio Rodriguez Del Corral, presente no evento, destacou que «Allocate é excepcional pola combinación de liderado público, colaboración con universidades e empresas tecnolóxicas, e por abrir datos municipais ao servizo de toda a cidadanía e do sector TIC».

O acto contou tamén coa presenza da alcaldesa da Coruña, Inés Rey, do director xeral da Axencia para a Modernización Tecnolóxica de Galicia, Julián Cerviño Iglesia, do reitor da Universidade da Coruña, Ricardo Cao, e do director xeral da AESIA - Agencia Española de Supervisión de Inteligencia Artificial, Ignasi Belda.

Entre os representantes das compañías que forman parte do proxecto, estaban Ramón Costa, de Altia, e Daniel Ayala Serrano, arquitecto en Khora Urban Thinkers.

📰 https://lnkd.in/d9myAYTX